Gaey dino ka suragh ly kr,
Kidhar se aya kidhar gya woh
Ajeeb manoos ajnabi tha,
mujhy to heran kr gya woh
Khushi ki raat ho k gham ka mosam,
Nazar usy dhondhti hai her dam
Woh Boo-E-Gul tha k Naghma-E-Jaan,
Mere to dil me utar gya woh
Woh maikadey ko jaganey wala,
Wo rat ki nend uraney wala
Yeh aj kia is ke jee me aya,
Keh sham hoty he ghar gya woh
Woh jis ke kandhon py hath rakh kr,
Safar kiya tu ny manzilon ka
Teri gali se najaney q aj,
Sar jhukaye guzar gaya woh
Woh rat ka be-nawa musafir,
Woh tera shayr , Woh tera "Nasir"
Teri gali tak to hum ny dekha,
Phir na janey kidhar gaya woh
No comments:
Post a Comment