Teri rehmat teri bakhsish tera inam hai mujh per
isi per fakhar karta hon , isi per naaz karta hon
Teri rehmat mere kamzor bazoo thaam leti hai
kisi manzil ki janib jab kabhi perwaz karta hon
Bara aizaz hai mere liey Mukhta-e-Kul tera
keh tere naam se her kaam ka aghaz karta hon
Kisi bhi ghair k aagy nahi jhukta hai sar mera
zamany k khuda'aon ko nazar andaz karta hon
No comments:
Post a Comment