Woh Barsat Ki Raat

Zindagi bhar nhi bholy ge woh barsat ki raat
aik   anjaan   haseena  se   mulaqat   ki   raat

Ha'ey! woh reshmi zulfon se barasta paani
phool se gaalon py rukney ko tarasta paani

Dil me toofan uthatey huey jazbaat ki raat
zindge bhar nhi bholy ge woh barsat ki raat

Dar k bijli se achanak woh lipatna uska
or phr sharm se bal kha k simatna uska

Dil me toofan uthatey huey jazbaat ki raat
zindge bhar nhi bholy ge woh barsat ki raat

Bhari Duniya Me Akhir Dil Ko Smjhany Kahan Jaien

Bhari dunia me akhir dil ko samjhany kahan jaien
Muhabbat ho gae jin ko woh deewany kahan jaien

Lagy hen shamaa per pehray zamany ki nigahon k
Jinhen jalny ki hasrat ho woh parwany kahan jaien

Sunana bhi jinhen mushkil,Chupana b jinhen mushkil
Zara tu hi bata aey Dil woh afsaany kahan jaien

Nazar me uljhaney dil me alam be-qarari ka
Smjh me kuch nahi ata woh deewany kahan jaien

Guzara Kar

Hai zara sa safar, guzara kar
chand  lamhy faqat gawara kar

Dhoop me nazam badalon par likhon
koi   perchae'an   ista'ara   kar

Choi-Moi ki aik pati hon
door hi se mera nazara kar

Asmano se roshni jaisa
mujh py ilham ik sitara kar

Pehly dekha tha jis muhabat se
ik nazar phr wohi dobara kar

Kho na jaey ghubaar me "Naina"
mujh ko aey zindagi pukara kar

Woh Piar Krta Toh

Main sab qadrien luta deti ,  woh aitbar krta to
Han main sab kuch ganwa deti, gar woh piar krta to

Uddasi mujhe us ki qatt'an ganwara na thi
Main ho jati ghayal , woh waar krta to

Main chun chun phool barsati us par
per woh mere naam koi bahar krta to

Anaa py chot sehna dushwar to hy lakin
main har jati gar woh takrar krta to

Hum Se Bicharr Gaey

Jo khyal thy na qias thy , Wohi log hum se bichar gae
Meri zindage ki jo ass thy , Wohi log hum se bichar gae

Jinhen manta he nahi yeh dil , Wohi log hen mere hum-safar
Mujhe her tarah se jo raas thy , Wohi log hum se bichar gae

Mujhy lamha bahr ki rafaqton k azab aur sta'aen gae
Meri umar bhar ki jo piyas thy , Wohi log hum se bichar gae

Yeh khyal sary hen aarzi , Yeh gulab sary hen kaagzi
Gul-e-Arzoo ki jo bass thy , Wohi log hum se bichar gae

Jinhen kr saka na qabool main , Woh sharek raah-e-safar huey
Jo meri talab meri aas thy ,  Wohi log hum se bichar gae

Yeh jo raat din mere sath hen , wohi ajnabi k hen ajnabi
Woh jo dharkano ki asaas thy , Wohi log hum se bichar gae

Hum Ko Tanha Chorr Gya Woh

Hum ko tanha chorr gya woh
Jany rukh kiun morr gya woh

Aik zara c baat ki khatir
Saarey rishtey torr gya woh

Wasl ki shab woh piar jata kr
Hijar se naata jorr gya woh

Jany kis kis baat py kal phir
Apni qismat phorr gya woh

Geelay kaprey ki sorat hain
Dhop me hmko chorr gya woh

Jany ko Hassan shakhon per
Apna khoon nichorr gya woh

Hum Se Kya Pochtey Ho

Hum se kya pochtey ho, hijar me kya krty hen
Tere lout aany ki din raat , dua krty hen

Ab koi hont nahi in ko churany aty
Meri ankhon me agar ashk hua krty hen

Teri tu jany, per aye jaan-e-tamana hum to
Saans k sath tujhy yaad kia krty hen

Kbhi yadon me tujhy bahon me bhar lety hen
Kbhi khwabon me tujhy choom lia krty hen

Teri Tasveer laga lety hen hum seeney se
Phir tere khat se teri baat kia krty hen

Gar tujhy chorrny ki soch b aye dil me
Hum to khud ko b wahen chorr dia krty hen

Wafa Ki Raah Me Apna Thikana Chahti Hon

Misal-e-Barg main khud ki urana chahti hon
Hawa-e-Tund  py maskan bnana chahti hon

Woh jin ki ankhon me hota hy zindge ka malal
Usi qabeeley se khud ko milana chahti hon

Jahan k band hen sadiyon se mujh py darwazey
Main aik bar usi ghar me jana chahti hon

Sitam Shuaar ki chokhat py addal ki zanjeer
Bra-e-Dad-Rassi ab hilana chahti hon

Na janey kese guzaron ge hijar ki sa'aat
Ghari ko torr k sab bhool jana chahti hon

Musafton ko mily Manzil-e-Talb "Naina"
Wafa ki raah me apna thikana chahti hon

Sham Hony Do

Abhi sooraj nahi dooba  , zara c sham hony do...
main khod he lout jaun ga mujhe nakaam hony do

Mujhe bad-naam krny k bahaaney dhondhty ho Q?
main khod ho jaun ga bad-naam phly nam hony do

Abhi mujh ko nahi krna hy Aitraaf-e-Shikasht
main sb taslem kr lon ga ye charcha aam hony do

Meri hasti nahi anmol phir bhi bik nahi sakta
wafaein baich lena per zara nelaam hony do

Naey aaghaz me hi hosla q torr baithy ho
tum sb kuch jeet jao gy zara anjaam hony do

Tere Naam

Gham na kr tere liey  chirag ban jaun ga
khud jal kr teri raah me roshni kr jaun ga

dar hy k mujh se ruswaian na milen tmhen
tark-e-ta'aluq me khod se he kr jaun ga

Tere anchal me hon phool hy khwahish meri
apna daman me kantoon se bhar jaun ga

Laakh bholaney se bhi na bhool sako ge
main pyar he tum se itna kr jaun ga

Sanwaro apna naseeb tum khushi se "Emaan"
main k barf py bani tasweer akhir mit jaun ga

Ghazal : Adeem Hashmi

Waqat hi kuch judaai ka itna taweel ho gaya
Dil me tery firaq k jitny thy zkham bhar gaey

Rahon me he mily thy hum , rahein naseeb ban gaein
Tu b na apny ghar gaya , hum b na apny ghar gaey

Koi kinaar--e-Aab-e-Juo , betha hua hy sar-nigoon
Kashti kidhar chali gai jany kidhar bhanwar gaey

Shaam Na Karna

Zahir kisi sorat bhi kaheen naam na karna
Hen log bohat khaas hamen aam na karna

Janey ki ijazat to diey daitey hen lakin...
Rastey me kahen atey huey sham na karna

Kuch roz se yeh haal hy furqat me tumhari
Be-kaar parey rehna ,  koi kaam na karna

Usey Main Kieun Btaun

Usey Main Kieun Btaun,

Main ne usko kitna chaha hai,
Btaya jhot jata hai,

Sach baat ki khushboo to
khud mehsoos hoti hai

Meri baaten, Meri sochein
Usey khud jaan jaey do,

Abhi kuch din mujhe meri
Mohabbat azmaney do,

Agar woh ishq k ahsas ko 
pehchan na paey,
Mujhe b jaan na paey,
to phir aisa kro "Zaid"

Khud gumnaam ho jao
Magar,
us be-khabar ko zindge bhar
Muskuraney do.

Apni Tanhai Mere Naam Par Abaad Kry

Apni tanhai  mere  naam per abaad kry
kon ho ha jo mujhy uski tarah yaad kry

Dil ajab shehar k jis per bhi khula dar iska
woh musafir issy her simat se barbad kry

Apne qatil ki zihanat se pareshan hon main
roz  ik   mout  naey  taraz  ki  ejaad  kry

Salb-e-benaae k ahkaam mily hen jo kabhi
roshni choney ki khwahish koi shab-zaad kry

Uski muthi me bohat roz raha mera wajood
mere saahir se kaho , mujhe azaad kry

Aks Khusboo Hon

Aks khusboo hon bikharney se na rokey koi
Or bikhar jaun to mujh ko na simaitey koi

Kaanp uth'ti hon main yeh soch k tanhai me
mere chehrey py tera naam na parh ley koi

Jis tarah khawab mere ho gaey rezah rezah
iss tarah se na kabhi  toot kr bikhrey koi

Ab to is raah se woh shakash guzarta bhi nahi
ab kis umeed py darwazey se jhankey koi

Koi aahat, Koi awaz, Koi chaap nahi
Dil ki galian barri sunsaan hen aey koi

Hum Bhi Shikasta Dil Hen

Hum bhi shikasta dil hen , Pershan tum bhi ho
Andar  se  rezah rezah  ,  Meri jaan tum bhi ho

Hum bhi hen aik ujrray huey shehar ki tarah
Ankhein bta rhe hen  ,  k veeran tum bhi ho

Dar paish hai humen bhi karri dhoop ka safar
Saa'aey  ki  arzoo me ,  pershaan  tum bhi ho

Hum b khizan ki sham ka angan hen, be-chiragh
Bailein hen jis ki zard woh Da'laan tum bbi ho

Jaise kisi khayal  ka saayaa  hen do wajood
Hum b agar qiaas hen , Imkaan tum bhi ho

Mil jaen hum to kaisa suhana safar kattey
Ghayal hen hum b , Sokhta saman tum bhi ho

Parveen Tere Baad

Yaadon ki  chiriya  nahi rangeen  tere baad
khusbo bhi dhowan ho gai Parveen tere baad

Khamey py tere utray muhabat k saheefay
baton se teri seekhey baharon ne saleeqay

Pairahan mafhoom bhi naghmon ki tarah hai
anchaal tere ash'aar k yeh qoss-e-qazah se

Narmahatein lehjay ki smaa'at ki gali me
nazmein k damak jaise ho soney ki dali me

kis dosh-e-nazakat py rhe teri sawaari
paa-rift ghazal ki b thakan tu ny utari

Gajron ki tarah dard ko baahon me sajaya
khusboo k fasaaney teri hasti ny sunaey

Jhulsay huey alfaaz ki mati bhi hui nam
hathon se chowa tu ny to yeh ho gay shabnam

Pairaish-e-Sunbal  t  k  Guldaan-e-Saman t
agyaar bhi kehtey hen k Baraan-e-Sukhan t

Masroof-e-Amal hon gy kai tere taraney
iss  bagh-e-iram ki bhi koi bazm sajaney

Meri Hasraton Ko Shumaar Kar

Kahen be-kinaar se rat-jagaey , Kahen zar-nigaar se khawab dy
tera kia usool hai zindagi?   ,  Mujhe kon is ka jawab dy....

Jo bichaa sakon tere wastey  ,  Jo saja sakon tere raastey
meri dastrass me sitaarey rakh , meri muthion ko gulab dy

Yeh khawahishon ka parind hai , issy mosmon se gharz nahi
yeh urrey ga apni hi mouj me , issy aab dy k saarab dy

Tujhe choo lia to bharak uthy ,  mere jism-o-jaan me chirag se
issi aag me mujhe raakh kar ,  issi sholaagi  ko shabbab dy

Kabhi youn bhi ho tere ro-baro , main nazar mila k yeh keh sakon
meri hasraton ko shumaar kar , meri khawahishon ka hisab dy

Teri ik nigah k faiz se meri kasht-e-harf cham'mak uthey
mera lafz lafz ho keh-kashan , mujhe aik aisi kitaab dy

Lakh Doori Ho Magar Ehad Nibhatey Rehna

Lakh doori ho  magar ehad nibhatey rehna
jab bhi barish ho mera soug manatey rehna


Tum gaey ho to sar-e-sham yeh aadat tehri
bs kinarey  py kharey , hath hilatey rehna


Jany is dil ko yeh aadaab kahan se aaye
uski raahon me nighahon ko bichatey rehna


Aik muddat se yeh maa'mul hua hai ab to
aap he rothna  , or aap he manatey rehna

Tum ko maloom hai Farhat yeh pagal pan hai
door  jaty  huey  logon  ko bulatey rehna

Tanha-Pasandi

Bohat  asrar  posheeda hain  is Tanha Pasandi me
Yeh mat smjho k deewaney jahan deeda nahi hoty

Ta'ajub kya agar Iqbal dunya hum se na khush hai
Bohat  se  log dunya  me   pasandeeda  nahi  hoty

Aadhi Raat Ke Sapney

Aadhi raat ke shyd sapney jhoty thy
ya phir pehli bar sitarey tootey thy

Jis din ghar se bhaag k shehar me pohnchi thi
Bhag-Bhari k bhaag usi din photey thy

Mazhab ki bunyad py kya taqseem hui
hamsayoun ne  hi hamsaey looty thy

Shokh nazar ki chutki ne nuqsan kiya
hathon se chaey k bartan chootey thy

Orh k phirti thi jo Nainan sari raat
us resham ki shaal py yad k bootey thy

Abhi Iss Taraf Na Nigah Kr

Abhi is taraf na nigah kr , Main ghazal ki palken sanwar lon
Mera lafaz  lafaz ho  aaiyna  ,  tujhy aaiyney  me  utaar lon

Main tamam din ka thaka hua, tu tamam shab ka jaga hua
zara tehar ja essi morr per , tery sath shaam guzaar lon

Agar asmaan ki numaishon me mujhe bhi az'zan qayyam ho
to main moutiyon ki dukaan se  teri baliyan, tere haar lon

Kahen aur bant dey suhratein, Kahen aur bakhash dey izzatein
mere paas hai mera aaiyna , main kabhi na gard-o-gubar lon

Kai ajnabi teri raah me mere paas se youn guzar gaey
jinhein dekh kr yeh tarap hui , tera naam ly kr pukaar lon

Kisi Ki Duhnn Main

Kisi ki duhn me  , Kisi k gumaan me rehty hain
hum aik  khawab  ki sorat  jahan me rehty hain

Hamary aashk chamktey hain uski ankhon me
zamen ka rizq hain aur aasmaan me rehty hain

Jo log krty hain dunia  se  sood ki khawahish
hamesha gardish-e-dour-e-Ziyaan me rehty hain

Nazar k samney , Aab-e-Rawaan k hoty huey
jo Ehl-e-Sabar hen,Tishnaa Lubaan me rehty hain

Her ik bhanwar se ziada tabah-kaar hen yeh
jo chand khouf phatey bad-baan me rehty hain

Unhi k dam se hy jari yeh roshni ka safar
jo dil chiragh ki soorat jahan me rehty hain

Kabhi Jazbon Kabhi Khawabon Ki Tijarat Kr K

Kabhi jazbon , kabhi khawabon ki tijarat kr k
Dil ne dukh dard kamaaye hen mohabat kr k

Tum jab aao gay tu mehfooz milein gy tumko
Hum ne dafnaye hen kuch khawab amanat kr k

Ik zara si bhool hui aur unhein kho baithey
hum ne paya tha jinhein barson ibadat kr k

Meri Chahat Hai Woh

Meri chahat hai woh , Meri anaa bhi hai

Rehta hai shab-o-sham woh mere wajood me

Meri awaz, mera lehja, meri adaa bhi hai

Daita hai mujhko zakham wo be-shumar magar

Hamdard bhi hai mera woh meri wafa bhi hai

Ab us k zikar per aksar main khamosh rehta hon

Per meri mohabbat ki woh inteha bhi hai

Ajab Kashmakash hay meri zindagi me

Pojna usay bhi hai or dil me Khuda bhi hai

Badal Gai Hai Yeh Zindagi

Badal gai hai yeh zindaagi  ,  
ab sabhi nazaarey badal gaey hain

Kahen py moujein badal gai hain ,
Kahen kinarey badal gaey hain

Badal gya hai ab uska lehja ,
Ab uski ankhein badal gai hain

Woh chand chehra hai ab b waisa,
Mere sitarey badal gaey hain

Mila hun tum se to youn laga hai , 
Keh jaise dono he ajnabi hon

Kabhi jo mujhko azeez-e-jaan thy , 
Woh tour sary badal gaey hain

Kahen py badla hai kehney wala ,
Kahen py Saa'maey badal gaey hain

Iss liey bhi main sar jhuka k,
Tumhari nagri se chal para hon

Tha naaz jin par kabhi mujhe bhi
Woh sab sahaaray badal gaey hain

Tark-e-Mohabbat Kr Baithy Hum

Tark-e-Mohabat kr baithy hum , Zabt-e-Mohabat aur bhi hai
aik  qayamat beet chuki hai   ,   aik  qayamat  aur bhi hai

Hum ny usi k dard se apney saans ka rishta jorr liya
warna shehar me zinda rehney ki  ik sorat aur bhi hai

Doobta soraj dekh k khush ho rehna kis ko raas aya
din ka dukh seh janey walo , raat ki wehshat aur bhi hai

Sirf ruton k sath badaltey rehney per moqoof nahi
us me bachon jaise zid kerney ki adat aur bhi hai

Sadiyon bad usy phir dekha , Dil ny phir mehsoos kia
aur bhi gheri chot lagi hai , dard me shiddat aur bhi hai

Usko ganwa kr Mohsin , us ky dard ka qarz chukana hai
aik  aaziyat  maand  pari hai ,  aik  aaziyat aur  bhi hai

Woh aa K Samney Jis Waqat Muskuraty Hain

A Nice Ghazal by "Hafeez Hoshiyar-Puri"


















Woh aa k samney jis waqat muskuraty hain
hum  unki saari jafaa'on  ko bhool jaty hain

Jafa py unki waafa ka gumaan guzarta hai
kuch is tarh woh mery dil ko yad aaty hain


Jafa-e-Taana-e-Ageyaar  yad  rehti  hai
Gham-e-Firaq k sadmay to bhool jaty hain

Elahi khair ho yeh aaj daikhta kia hon
woh dekh dekh k q mujhko muskuraty hain

Dil-e-Hazeen ko main apny faraib dy lon ga
koi yeh jhoot hi keh dy mujhe Woh aaty hain


Hum apny bhoolney walon ko chahtey hain "Hafeez"
Woh apny chahney walon ko bhool jaty hain.

Ujrrey Huey Logon Se Gurezan Na Hua kr

Ujray huey logon se gurezan na hua kr
halat ki qabron k ye kutbay b parha kr

Kia janiey  q  taiz  hawa soch me gum hai
Khwabedah parindon ko darkhton se urra kr

Us shaksh k tum se bhi marasim hen to hon gy
woh  jhoot na boly ga  mere  samney   aa  kr

Ab dastakein dy ga tu kahan aye gham-e-ahbab
main ny to  kaha  tha k  mere dil  me raha kr

Har waqat ka hansna tujhy barbad na kr dy
tanhai k  lamhon  me  kabhi  ro  bhi  lia kr

Woh aj bhi saadion ki musafat pay khara hai
dhoondha tha jise waqat ki dewaar gira kr

Tu Mohabbat nahi tha, Aadat tha

Tu mohabat nahi tha aadat tha
teri aadat badal chuka hon main

Aadtein youn bhi buri hoti hain
buri aadat badal chuka hon main

Teri soochon  me  dooba rehta tha
ab woh sochein badal chuka hon main

Kbhi ankhein jo jeena marna thien
ab woh ankhein badal chuka hon main

Kbhi tum thy keh bas numayan thy
ab woh mehfil badal chuka hon main

Tum musafir thy ghair manzil key
so woh rasta badal chuka hon main

Saath reh key  khushi jo bhoola tha
ab main khush hon badal chuka hon main

Yaad  aao ,  to aa  na pao gey
khud ko itna badal chuka hon main

Chahey ab koi be-wafa samjhy
sab wafaein badal chuka hon main

Ab woh aadat nahi mohabbat hai
tum se jis ko badal chuka hon main

Jal bhi chukey Parwaney , Ho bhi chuki Ruswai

Jal bhi chukey parwaney , Ho bhi chuki ruswai
Ab khaak  urraney  ko   baithey  hain tamashae

Taroon   ki   zia   dil   me   ik   aag   lagati hai
Aaram   se   raaton   ko   sotay   nahi   sodaae

Raaton  ki  udaasi me  khamosh hai dil mera
Be-Hiss hain tamana'ain nend ai , keh mout ai

Ab dil  ko   kisi   karwat   aaram   nahi   milta
Ik   umer   ka   roona   hai   do din ki   shanaasai